無事忙，三日癲。

攪咁多野, 咪又係齋攪, 不如同我一齊攪好個外匯基金先啦! (設計對白)

 

金管局老一 – 任總退休塵埃落定，陳德霖接任既又呼之欲出。議員見無計可施，無本可採，又開始亂吠亂咬，意圖迫使政府將金管局總裁遴選工作透明化，美其言是要確保評選工作「公平公正」。政府已一早篤定陳德霖接任，明知遴選小組實屬「整色整水」之作，亂吠亂咬根本「石頭鑿唔出血」。「無事搵事黎攪」-咪又係浪費納稅人金錢。

要揀個至top的基金經理出黎管理外匯基金，睇落「好型」，但一般出眾的基金經理，都出名「快﹑狠﹑準」，攞住我地幾千億外匯基金來作個「快﹑狼﹑準」投資，相信市民的心跳亦很快會「快﹑狠﹑準」地停頓。睇任總行出黎風流倜儻，開口殺你滿天。在上，佢要頂住老頂-即曾蔭權曾俊華；在下，又要面對議員，見招拆招；下下都話3%回報唔夠多，仲要食埋殺到埋身的「雷曼迷債後著」的蘇州屎。你估堂堂一個賓架或基金經理老大真係頂得住？特別而家D議員平民法，開口唔係問侯你仆落條街，又可能比老頂鬧up，經過調整後的幾百萬年薪，真係可能吸引到幾千萬年薪的銀行家紓尊降貴？咪傻。

再者，任總早知「玉皇大帝」都有退下火線的一天，培養接班人一早事在必行，唔係一朝兩日的事。話就話政府點左頭硬要推陳德霖上馬，但點都先知會任總，如果任總唔係點左燈，央行行長呢個位，都唔會隨隨便便就搵陳生上馬。議員亂up廿七，純粹又係博出位之作。你叫議員們找個新人選代陳德霖。馬時亨？陳祖澤？鄭海泉？柯清輝？如果真係搵到的話，港交所行政總裁新人選，都唔會落入海歸派李小加手上。

作為權威報章之一的《信報》，今天社評跟足議員soundbite，好學唔學，不如播歌。啦。巴。六皮野，又係掉落咸水海。